ਖੁੰਬਾਂ ਵਾਲੇ ਚਾਵਲ
ਪਦਾਰਥ
- ਉਬਲੇ ਹੋਏ ਚੌਲ : 3 ਕੱਪ
- ਖੁੰਬਾਂ : 200 ਗ੍ਰਾਮ
- ਅੱਧਾ ਨਿੰਬੂ ਦਾ ਰਸ
- ਜ਼ੀਰਾ : 3 ਚਮਚ, ਲੱਸਣ ਸੁਆਦ ਅਨੁਸਾਰ
- ਹਰੇ ਪਿਆਜ਼ : 2
- ਲੌਂਗ : 2-3
- 2 ਮੋਟੀ ਇਲਾਇਚੀ ਦੇ ਬੀਜ
- ਲਾਲ ਮਿਰਚ ਪਾਊਡਰ : ਅੱਧਾ ਚਮਚ
- ਗਰਮ ਮਸਾਲਾ ਪਾਊਡਰ : ਅੱਧਾ ਚਮਚ
- ਲੂਣ ਸੁਆਦ ਅਨੁਸਾਰ।
ਵਿਧੀ
- ਖੁੰਬਾਂ ਨੂੰ ਟੁੱਕੜਿਆਂ ਵਿਚ ਕੱਟ ਲਓ। ਇੱਕ ਕੱਪ ਪਾਣੀ ਵਿਚ ਇੱਕ ਚਮਚ ਨਿੰਬੂ ਦਾ ਰਸ ਅਤੇ ਇੱਕ ਚਮਚ ਲੂਣ ਪਾ ਕੇ ਉਬਾਲੋ।
- ਜਦ ਪਾਣੀ ਉਬਲ ਜਾਏ ਤਾਂ ਅੱਗ ਤੋਂ ਉਤਾਰ ਕੇ ਉਸ ਵਿਚ ਖੁੰਬਾਂ ਪਾ ਕੇ ਰੱਖ ਦਿਓ। ਇੱਕ ਕੜਾਹੀ ਵਿਚ ਤੇਲ ਗਰਮ ਕਰੋ।
- ਜਦੋਂ ਤੇਲ ਗਰਮ ਹੋ ਜਾਹੇ ਤਾਂ ਉਸ ਵਿਚ ਜ਼ੀਰਾ ਪਾ ਦਿਓ। ਉਸ ਤੋਂ ਬਾਅਦ ਲੱਸਣ ਭੁੰਨ ਲਓ।
- ਉਸ ਤੋਂ ਬਾਅਦ ਪਿਆਜ਼ਾਂ ਦਾ ਚਿੱਟਾ ਅਤੇ ਹਲਕਾ ਹਰਾ ਭਾਗ ਪਾ ਦਿਓ ਅਤੇ ਨਰਮ ਹੋਣ ਤੱਕ ਪਕਾਉ।
- ਖੁੰਬਾਂ ਨੂੰ ਪਾਣੀ ਵਿਚੋਂ ਕੱਢ ਕੇ ਪਿਆਜ਼ ਵਿਚ ਪਾ ਦਿਓ। 4-5 ਮਿੰਟ ਤੱਕ ਤਲੋ, ਜਦ ਤੱਕ ਕਿ ਇਹ ਭੂਰੇ ਰੰਗ ਦਾ ਨਾ ਹੋ ਜਾਏ।
- ਹੁਣ ਇਸ ਵਿਚ ਲੱਸਣ, ਇਲਾਇਚੀ ਪਾਊਡਰ, ਅੱਧਾ ਚਮਚ ਲਾਲ ਮਿਰਚ ਪਾਊਡਰ, ਅੱਧਾ ਚਮਚ ਗਰਮ ਮਸਾਲਾ ਪਾਊਡਰ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।
- ਉਬਲੇ ਹੋਏ ਚੌਲ ਪਾ ਕੇ ਸੁਆਦ ਅਨੁਸਾਰ ਲੂਣ ਛਿੜ ਕੇ 2-3 ਮਿੰਟ ਤੱਕ ਭੁੰਨੋ। ਹੁਣ ਪਿਆਜ਼ਾਂ ਦਾ ਜ਼ਿਆਦਾ ਹਰਾ ਭਾਗ ਇਸ ਵਿਚ ਪਾ ਕੇ ਮਿਲਾਓ।
- ਨਿੰਬੂ ਦਾ ਰਸ ਪਾ ਕੇ ਥੋੜ੍ਹੀ ਦੇਰ ਹੋਰ ਤਲੋ ਅਤੇ ਹੁਣ ਗਰਮ-ਗਰਮ ਪਰੋਸੋ।
